दार्चुला । कञ्चनपुरमा थप ६ जना कोरोना संक्रमितको मृत्यु भएको छ । पछिल्लो २४ घण्टामा महाकाली अस्पतालमा उपचाररत ६ जना संक्रमितको मृत्यु भएको स्वास्थ्य कार्यालयले जनाएको छ ।
स्वास्थ्य कार्यालयकी कोभिड फोकल पर्सन महिन्द्रा भट्टले भीमदत्त नगरपालिकाका ४ जना, कृष्णपुर नगरपालिका र लालझाडी गाउँपालिकाका १/१ जनाको मृत्यु भएको जानकारी दिनुभयो ।
उहाँका अनुसार भीमदत्त नगरपालिका-५ का ६५ वर्षीय पुरुष, भीदमत्त नगरपालिका ८ का ७५ वर्षीया महिला, वडा नम्बर १८ का ८० र ७१ वर्षीय पुरुषको मृत्यु भएको हो ।
यस्तै कृष्णपुर नगरपालिका-४ का ६९ वर्षीय पुरुष र लालझाडी ५ का ३० वर्षीय पुरुषको मृत्यु भएको उहाँले बताउनुभयो ।
बुधबार नै कञ्चनपुरमा थप ५३ जनामा कोरोना भाइरसको संक्रमण पुष्टि भएको छ भने एक सय ४ जना संक्रमण मुक्त भएको स्वास्थ्य कार्यालयले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया