बैतडी । कोरोना महामारीको दोश्रो लहर फैलिएपछि बैतडीमा पहिलो पटक आज कोरोना संक्रमण पुष्टि हुनेको संख्या शुन्यमा झरेको छ ।
४ सय ४९ जनाको कोरोना परीक्षण गर्दा सबैको रिपोट नेगेटिभ आएको स्वास्थ्य कार्यालयका सीआइसीटी सहजकर्ता बिनिता चौधरीले बताउनुभयो।
एकजनाको पीसीआर परीक्षण र ४४८ जनाको एन्टीजेन परीक्षण गर्दा सबैको रिपोट नेगेटिभ आएको उहाँले बताउनुभयो । यस्तै आज २६ जनाले कोरोना जितेका छन् । जिल्लाका विभिन्न स्थानीय तहमा रहेका संक्रमित मध्ये २६ जनाले कोरोना जितेको चौधरीले बताउनुभयो ।
अहिले जिल्लामा सक्रिय संक्रमितको संख्या १४० रहेको स्वास्थ्य कार्यालयले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
