बैतडी । कोरोना संक्रमणबाट बैतडीमा थप एक जनाको मृत्यु भएको छ। जिल्ला अस्पतालमा उपचाररत दशरथचन्द नगरपालिका–५ का ८२ वर्षीय वृद्धको मंगलबार बिहान मृत्यु भएको अस्पतालका प्रमुख डा. वसन्तराज जोशीले जानकारी दिनुभयो। ती वृद्धमा गत जेठ २६ मा संक्रमण पुष्टि भएपछि जिल्ला अस्पतालमा उपचार भइरहेको थियो। यससँग बैतडीमा कोरानाबाट मृत्यु हुनेको संख्या १८ पुगेको छ।
जिल्ला अस्पतालमा अहिले कोरोनाका बिरामीको संख्या शून्य रहेको छ। अहिले जिल्लामा दैनिक संक्रमणदर घट्दै गएकाले सक्रिय संक्रमितको संख्या पनि घट्दै गएको छ। अहिले ६८ जना मात्रै सक्रिय संक्रमित रहेका स्वास्थ्य कार्यालयका सिआइसिटी सहजकर्ता बिनिता चौधरीले जानकारी दिनुभयो।
सक्रिय संक्रमितमध्ये दशरथचन्द नगरपालिकामा १७, सुर्नया गाउँपालिकामा १४, दोगडाकेदार गाउँपालिकामा ११, पाटन नगरपालिकामा ११ र मेलौली नगरपालिकामा ६ जना रहेका छन्।
यस्तै, पञ्चेश्वर गाउँपालिकामा चार, शिवनाथ गाउँपालिकामा दुई, पुर्चौंडी नगरपालिका, डिलाशैनी गाउँपालिका र सिगास गाउँपालिकामा एक÷एक जना सक्रिय संक्रमित रहेका छन्।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया