दार्चुला । बैतडीको पाटन नगरपालिका वडा नं ८ झौलेकमा पहिरो खस्दा अवरुद्ध भएको जयपृथ्वी राजमार्ग अझै सुचारु भएको छैन् । गएको आइतबार सडक तलतिरबाट पहिरो खसेपछि अवरुद्ध भएको राजमार्ग खुलाउन पहल भईरहेको भएपनि पर्खाल लगाउने काम नसकिएको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताउनुभयो ।
सडक तलतिर पहिरो खसेपछि पर्खाल लगाउने काम भईरहेको छ । पर्खाल नलगाउँदा सम्म सडक सञ्चालन गर्न सकिने अवस्था छैन् ।’
गएको चारदिनदेखि राजमार्ग अवरुद्ध हुँदा मालवाहक सवारी साधन र अन्य सवारी साधन बीचबाटोमै रोकिएका छन् । जिपहरुले यात्रुहरुलाई झौलेक सम्म पुर्याउने गरेका छन् भने त्यहाँबाट अर्को सवारी साधनमा जानुपर्ने बाध्यता रही आएको छ ।
मालवाहक ट्रकहरु भने चारदिनदेखि बीचबाटोमै रोकिएका छन् । जयपृथ्वी राजमार्ग अवरुद्ध हुँदा बझाङ जाने र बझाङबाट अन्यत्र जाने सवारी साधन बीचबाटोमै रोकिएका छन् । यस्तै बैतडीको पुर्चौंडी नगरपालिका, सिगास गाउँपालिका लगायतका ठाउँबाट अन्यत्र जाने यात्रुहरु पनि मार्कामा परेका छन् ।
अवरुद्ध सडक खुलाउनका लागि तीव्र गतिमा काम भईरहेको दाबी गरेपनि चार दिन भईसक्दा समेत सडक सुचारु हुन सकेको छैन् ।
जयपृथ्वी राजमार्गमा बर्षातको समयमा बेलाबेलामा समस्या आउने गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया