दार्चुला । सुदूरपश्चिममा नेकपा एकीकृत समाजवादी एमालेभन्दा ठूलो दल बनेको छ। सुदूरपश्चिम प्रदेशका १३ जना एमाले सांसदले एकीकृत समाजवादीमा सनाखत गरेसँगै एमालेभन्दा ठूलो दल बनेको हो। आइतबार थप तीन सांसदले एकीकृत समाजवादी रोजेपछि एमाले एकीकृत समाजवादी भन्दा सानो दल भएको हो। यस अघि १० जना प्रदेश सांसदले नेकपा एमाले पार्टी छाड्दै नवगठित नेकपा एकीकृत समाजवादी पार्टी रोजेका थिए ।
अब सुदूरपश्चिम प्रदेशसभामा एमालेका सभामुखसहित १२ र एकीकृत समाजवादीका १३ सांसद भएका छन्। नेकपा एकीकृत समाजवादी पार्टी रोज्ने प्रदेश सांसदहरुमा पूर्णा जोशी, लालबहादुर खड्का, चुनकुमारी चौधरी, मना साउँद, माया भट्ट, बलबहादुर सोडारी, अम्मर साउँद, कुलबिर चौधरी, सुशिला बूढाथोकी, दुर्गा कामी, तारालामा तामाङ, दीर्घ सोडारी र प्रकाश रावल रहेका छन् । प्रदेशसभामा एकिकृत समाजवादी ठूलो दल देखिएपनि संघीय र स्थानीय तहमा भने एमाले नै ठूलो दल रहेको निर्वाचन आयोगले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया