बैतडी । बैतडीमा मोटरसाईकललाई जिपले ठक्कर दिदाँ ३ जना घाइते भएका छन् । दशरथचन्द राजमार्गको पाटन नगरपालिका ६ स्थित बेडौती भन्ने स्थानमा पाटनबाट खोडपेतर्फ जादै गरेको से १ ज ६३४ नं को जिपले बेडौतीबाट पाटन तर्फ आइरहेको भे ७ प ४३४५ नम्बरको मोटरसाईकललाई आज बिहान ९ः१५ बजे ठक्कर दिदा मोटरसाइकलमा सवार दुई जना र जिप चालक घाईते भएका हुन ।
घाइते हुनेमा मोटरसाईकल चालक पाटन ६ बस्ने ३६ वर्षीय उद्धब जोसी, मोटरसाईकलमा पछाडी सवार सोहि ठाँउका ७३ वर्षीय अन्तराम पन्त र जिप चालक पाटन १ का ज्ञानेन्द्र भट्टराई घाइते भएका इलाका प्रहरी कार्यालय पाटनका इन्चार्ज प्रहरी निरिक्षक राजेश शाहीले जानकारी दिनुभयो ।
मोटरसाईकल चालक जोसीको अवस्था गम्भिर रहेको र डडेल्धुरा उपचार हुन नसकेपछि धनगढी रेफर गरिएको छ । मोटरसाईकल पछाडि सवार पन्तको डडेल्धुरामा उपचार भइरहेको छ । जिप चालक भट्टराईको भने पाटन प्राथमिक अस्पतालमा उपचार भइरहेको प्रहरीले जनाएको छ।
जीप चालकलाई प्रहरीले नियन्त्रणमा लिई घटनाको बिषयमा थप अनुसन्धान गरिरहेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया