दार्चुला । नेकपा एमाले बैतडीको उपाध्यक्षमा रमिल बम चयन हुनुभएको छ । दशक लामो माओबादी युद्धमा होमिएर राजनीतिक जीवनको सुरुवात गरेका पुरचौंडीका युवा नेता रमिल बम एमालेको उपाध्यक्षमा मनोनित हुनुभएको हो । शुक्रवार बसेको एमालेको जिल्ला कमिटी बैठकले सात बर्ष देखि रिक्त रहेको उपाध्यक्ष पदमा बमलाई नियुक्त गरेको एमाले नेता लिलाधर भट्टले जानकारी दिनुभयो ।
यस्तै एमालेको नयाँ विधान अनुसार रिक्त उप सचिव पदमा सरस्वती नेपालीलाई मनोनित गरिएको छ । आज (शुक्रवार) कै बैठकबाट महाधिवेशन प्रतिनिधी छनौट गर्न समेत छलफल चलिरहेको नेता भट्टले बताउनुभयो ।
बैतडीमा एमालेको एक सय ३५ जनाको जिल्ला कमिटी रहेको छ । दशौं राष्ट्रिय महाधिवेसनका लागि बैतडीबाट ८ जना पुरुष, चार महिला र २ जना दलित महाधिवेसन प्रतिनिधि छनौट हुने बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया