दार्चुला । प्रसिद्ध एकादशी मेलाको लागि बैतडीको पुर्चौडी नगरपालिकाले आज सोमबार एक दिन सार्वजनिक बिदा दिएको छ ।
कात्तिक २९ गते आज हरिबोधनी एकादशीका दिन ‘गिरेगडा काफलखाना मेला’ लाग्ने भएकोले सो दिन नगरक्षेत्रभित्र सार्वजनिक बिदा दिने निर्णय भएको हो ।
नगरकार्यपालिकाको बैठकको निर्णयअनुसार नै सोमबार सार्वजनिक बिदा भएको नगरपालिकाका निमित्त प्रमुख प्रशासकीय अधिकृत विनोदकुमार कुँवरले जानकारी दिनुभयो ।
हरेक बर्षक कार्तिक शुक्ल एकादशी अर्थात हरिबोधनी एकादशीका दिन गिरेगडा कफलखाना मेला लाग्ने गर्दछ । गिरेगडा कफलखाना मेला सो क्षेत्रको ठूलो मेलाको रुपमा लिइने गरेको पुर्चौडीबाट लोकदर्पण समाचारदाता हरिसिह साउदले जानकारी दिनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया