दार्चुला । बैतडीमा जिप दुर्घटना भएको छ । जिल्लाको महाकाली राजमार्ग अन्तरगत दोगडाकेदार गाउँपालिका वडा नम्बर ३ श्रीकोटस्थित तारलमा जिप दुर्घटना भएको हो । गएराति जिप दुर्घटना हुँदा चालक र सहचालक घाइते भएका छन् ।
बैतडीको गन्नाबाट बझाङ जाँदै गरेको सुपप्र ०१–००१ ज १३५२ नम्बर जिप गएराति पौने १२ बजे तारलमा दुर्घटनामा परेको जिल्ला प्रहरी कार्यालय बैतडीले जानकारी दिएको छ ।
दुर्घटनामा परि जिप चालक बैतडीको डिलाशैनी गाउँपालिका १ का हेमन्त राना र सोही ठाउँका सहचालक उमेश राना घाइते भएका छन् ।
घाइते चालकको डडेल्धुरा अस्पतालमा उपचार भइरहेको छ भने सहचालकको जिल्ला अस्पताल बैतडीमा उपचार गरिएको जिल्ला प्रहरी कार्यालय बैतडीका प्रवक्ता,प्रहरी निरीक्षक लोकराज जोशीले बताउनुभयो ।
जिपमा चालक र सहचालक मात्रै सवार रहेका थिए । जिप सडकबाट करिब १०० मिटर तल खसेको छ भने दुर्घटनाको कारण बारे थप अनुसन्धान भइरहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया