दार्चुला । बैतडीमा बेवारिसे अवस्थाको सुन फेला परको छ । आइतबार जिल्लाको पाटन नगरपालिका वडा नम्बर ८ खोडपे प्रहरी चौकीको इन्ट्री पोष्टमा बसका स्टाफहरुले सामान छोडेको र उक्त सामानमा ८३.५ ग्राम सुन बेवारिसे अवस्थामा फेला परेको इलाका प्रहरी पाटनले जनाएको छ ।
पाटन–८ का एक स्थानीयका आफन्तले काठमाण्डौबाट औषधी पठाएको बुझिएको छ । त्यो औषधी भनिएको वस्तु मध्येको एक प्याकेट खोलेर हेर्दा सुन भेटिएपछि प्रहरीले आफुसंगै राखेको बताएको छ ।
प्रहरीलाई शंका लागेपछि प्याकेट खोलीएको इलाका प्रहरी कार्यालय पाटनबाट प्रहरी निरिक्षक कमल प्रशाद चौधरीले बताउनुभयो । सुन इलाका प्रहरी कार्यालय पाटनमा राखीएको उहाँले बताउनुभयो ।
बिना बिलको सुन भेटिएकाले शंका लागेपछि बरामत गर्दै सुरक्षित राखिएको उहाँले बताउनुभयो । दार्चुलाबाट एक व्यापारीले सुन आफ्नो रहेको र यसको बिल समेत रहेको जानकारी आफुलाई दिएको प्रहरीले बताएको छ । यसबारे प्रहरीले अनुसन्धान गरिरहेको जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया