दार्चुला । रोजगारीको सिलसिलामा भारतमा रहेका बैतडीका एक युवकको मृत्यु भएको छ । जिल्लाको डिलाशैनी गाउँपालिका वडा नम्बर २ मल्लाछेपट्टाका २७ बर्षीय पुष्कर बोहराको भारतको राजस्थानमा बसको ठक्करबाट मृत्यु भएको हो।
रोजगारीका लागि एक बर्ष अघि मात्रै राजस्थान पुगेका पुष्करको बसको ठक्करबाट ज्यान गएको पारिवारिक श्रोतले जनाएको छ । काम गर्ने होटलबाट सामान किन्नका लागि बजार गएका बेला पुष्करलाई बसले ठक्कर दिएको थियो ।
बसको ठक्करबाट गम्भीर घाइते भएका उनको उपचारका क्रममा हिजो (मंगलबार) मृत्यु भएको उहाँका आफन्त महेश बोहराले बताउनुभयो । मृतक पुष्करको घरमा श्रीमति, एक छोरी, आमाबुवा र भाइ रहेका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया