दार्चुला । बैतडी सदरमुकाम स्थित एक सुनचाँदी पसलमा आज दिउँसो आगलागी भएको छ ।
जिल्लाको दशरथचन्द नगरपालिका वडा नम्बर ४ शाहीलेक बजारस्थित शुभलक्ष्मी सुनचाँदी पसलमा गहना बनाउने क्रममा सिलिण्डरबाट लिक भएर आगलागी भएको प्रहरीले जनाएको छ ।
दिउँसो ४ बजेतिर सिलिण्डरबाट सल्केको आगो तेजावमा समेत सल्केको थियो । आगलागीका कारण पुरै पसल जलेर खरानी भएको सुनचाँदी पसलका सञ्चालक प्रदीप गहतराजले बताउनुभयो । आगलागीबाट लाखौंको क्षति भएको उहाँले बताउनुभयो ।
नेपाल प्रहरी, सशस्त्र प्रहरी, नेपाली सेना र स्थानीयहरुको सहयोगमा आगो नियन्त्रणमा लिइएको प्रहरीले बताएको छ ।
पसलमा आगलागी हुँदा पसल जलेर ध्वस्त भएको छ भने क्षतिको थप विवरण आउन बाँकी रहेको जिल्ला प्रहरी कार्यालय बैतडीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया