दार्चुला । दार्चुलाको लेकम गाउँपालिकामा स्थानीय पाठ्यपुस्तक `हाम्रो लेकम´ एक समारोहका बिच विमोचन गरिएको छ । गाउँपालिका अध्यक्ष रामदत्त जोशी, उपाध्यक्ष माधवी जोशी, प्रमुख प्रशासकीय अधिकृत अर्जुन सुवेदी, वडाअध्यक्षहरू, विभिन्न विद्यालयका प्रधानाध्यापक लगायत शिक्षाविद् र शिक्षाप्रेमीहरूको सहभागीतामा एक कार्यक्रमको आयोजना गरि हाम्रो लेकम स्थानीय पाठ्यपुस्तकको विमोचन गरिएको शिक्षा अधिकृत एबं लेकम गाउँपालिका शिक्षा शाखा प्रमुख केशवराज ओझाले जानकारी दिनुभयो ।
लेकम गाउँपालिकाले गत वर्ष नै स्थानीय पाठ्यक्रम निर्माण गरेर पाठ्यपुस्तक निर्माणको तयारी थालेको थियो । पाठ्यक्रममा आधारित भएर पाठ्यपुस्तक निर्माण तथा छपाई गरिएको उहाँले बताउनुभयो । ‘हाम्रो लेकम’ कक्षा १-८ को पाठ्यपुस्तक लेकमभरीका विद्यालयमा यसै शैक्षिक सत्रदेखि पठनपाठन हुने बताइएको छ ।
हाम्रो लेकम पाठ्यपुस्तकमा स्थानीय महत्त्वपूर्ण पाठ्यसामग्री समावेश गरिएको छ । पाठ्यपुस्तक विमोचन समारोहमा जनप्रतिनिधि, कर्मचारी, शिक्षाविद र शिक्षाप्रेमी सरोकारवालाहरूको सहभागीता रहेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया