दार्चुला । बझाङमा घरायसी विवाद हुँदा ६० वर्षीय पुरुषको चक्कु प्रहारबाट हत्या भएको छ । जिल्लाको छबिसपाथिभेरा गाउँपालिका वडा नम्बर ७ स्थित घट्टे गाउँका स्थानीय जैलु मण्डेललाई सोही गाउँका ५० वर्षीय बिजुली मण्डेलले घरमै गएर चक्कु प्रहार गरेको प्रहरीले जनाएको छ ।
मदिरा सेवन गरेर शुक्रबार साँझ करिब साढे ७ बजे जैलुको घर गएका बिजुलीले सुरुमा आफ्नी श्रीमतीलाई कुटपिट गरेका थिए । जैलुले उनीहरुलाई छुट्टाएर घर पठाएको र त्यसलगत्तै बिजुली पुनः जैलुको घरमा आएर उनकै चक्कुले पेटमा प्रहार गरेर हत्या गरेको मृतकका आफन्त शिवजी मण्डेलले बताउनुभयो । चक्कु प्रहारपछि मृतकको घटनास्थलमै मृत्यु भएको स्थानीयहरूले बताएका छन् ।
बिजुली चक्कु प्रहारपछि फरार रहेका छन् । सामान्य घरायसी विवादका कारण हत्या भएको र उनको खोजीको लागि प्रहरी परिचालन गरिएको जिल्ला प्रहरी कार्यालय बझाङका प्रमुख डीएसपी भरतबहादुर शाहले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया