दार्चुला । बैतडीको दोगडाकेदार गाउँपालिका वडा नम्बर ८ मा रहेको कटौजपानी स्वास्थ्य चौकीमा चौबिसै घण्टा आकस्मिक सेवा सुरु भएको छ । आज देखि स्वास्थ्य चौकीले चौबिसै घण्टा आकस्मिक सेवा दिने गरी सो कार्यक्रमको उद्घाटन गरिएको स्वास्थ्य चौकी इन्चार्ज महेश सिंह बिष्टले जानकारी दिनुभयो ।
स्वास्थ्य चौकीबाट अत्यावश्यक औषधी, प्राथमिक उपचार लगायतका आकस्मीक सेवा प्रदान गरीने उहाँले बताउनुभयो ।
यस्तै आजै दोगडाकेदार गाउँपालिकाको वडा नम्बर ३ मा रहेको श्रीकोट स्वास्थ्य चौकीमा पनि चौबिसै घण्टा आकस्मिक सेवा सुरु गरिएको छ । आइतबार स्वास्थ्य चौकीले चौबिसै घण्टा आकस्मिक सेवा दिने गरी सो कार्यक्रमको उद्घाटन गरिएको श्रीकोट स्वास्थ्य चौकिले जनाएको छ ।
यसअघि वडा नम्बर ६ मा रहेको सित्तड स्वास्थ्य चौकीले पनि चौबिसै घण्टा आकस्मिक सेवा सुरु गरिसकेको छ ।
दोगडाकेदार गाउँपालिकाको कार्यपालिका बैठकले पालिका भित्र रहेका स्वास्थ्य संस्थाहरूमा चौबिसै घण्टा हाल कार्यरत जनशक्तिले नै आकस्मिक सेवा उपलब्ध गराउने निर्णय गरेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया