दार्चुला । बैतडीको डिलाशैनी गाउँपालिकाका पूर्व अध्यक्ष उकेन्द्रबहादुर बोहराको निधन भएको छ । सेती प्रादेशिक अस्पतालमा उपचारको क्रममा उहाँको आज बिहीबार बिहान निधन भएको हो ।
डिलाशैनी गाउँपालिका वडा नं ३ घर भएका ४५ बर्षीय बोहराको असोज २९ गते स्वास्थ्यमा समस्या आएपछि डडेल्धुरा हुँदै सेती प्रादेशिक अस्पताल लगिएको थियो । क्षयरोगबाट पीडित बोहराको उपचारकै क्रममा मृत्यु भएको हो । बोहरा गएको ३ बर्ष यता क्षयरोगबाट पीडित रहेका उहाँका भाइ भोजबहादुर बोहराले बताउनुभयो ।
नेकपा एमाले बैतडीको सचिवालय सदस्य समेत रहेका बोहराको घरमा श्रीमति दुई छोरा र दुई छोरी रहेका छन् । बोहराको शुक्रबार गृह जिल्ला बैतडीमै दाहसंस्कार गरिने पारिवारिक श्रोतले जनाएको छ ।
२०७४ सालको स्थानीय तह निर्वाचनमा नेकपा एमालेबाट डिलाशैनी गाउँपालिकाको अध्यक्षमा बोहरा निर्वाचित भएका थिए ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया