दार्चुला । चीनका पूर्व प्रधानमन्त्री ली खछ्याङको आज शुक्रबार बिहान ६८ वर्षको उमेरमा सांघाईमा निधन भएको छ।
हृदयाघातका कारण लीको निधन भएको चिनिया संचारमाध्यमहरुले जनाएका छन् । बिहिबार उहाँलाई अचानक हृदयाघात भएको र गएराति १२ बजेर १० मिनेटमा निधन भएको हो ।
ली गत मार्च महिनामा मात्र प्रधानमन्त्रीको दोस्रो कार्यकाल पूरा गरेर बिदा हुनुभएको थियो । ली सन् २०१३ मा पहिलोपटक चीनको प्रधानमन्त्री बन्नुभएको थियो । चीनका राष्ट्रपति सी जिनपिङपछि सत्तारूढ कम्युनिस्ट पार्टी अफ चाइनाको दोस्रो वरियतामा रहनुभएका ली पछिल्लो समय सांघाइमा बस्दै आउनु भएको थियो । एजेन्सी
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
प्रतिक्रिया