दार्चुला । हङकङमा जारी चार देश सम्मिलित महिला टी-२० अन्तर्राष्ट्रिय क्रिकेट श्रृंखलाअन्तर्गत अहिले भइरहेको खेलमा नेपाल घरेलु टोलीविरुद्ध ५६ रनमा अलआउट भएको छ ।
नेपाली टोलीले १८ ओभरमा सबै विकेट गुमाएको हो । नेपालको पालीमा रुविना क्षेत्रीले सर्वाधिक २५ रन बनाइन् । अन्यले दोहोरो अंकमा रन जोड्न सकेनन् ।
पूजा महतो ४, सीता रानामगर ९, सम्झना खड्का १ र विन्दु रावलले १ रन बनाए । कप्तान ईन्दु वर्मा र काजल श्रेष्ठले खाता खोल्न सकेनन् ।
चार देश सम्मिलित महिला टी-२० सिरिजअन्तर्गत नेपाल र हङकङको खेल भइरहेको छ । टस जितेर पहिले नेपालले ब्याटिङ गरेको थियो ।
नेपाललाई आजको खेल जित्नैपर्ने दबाब छ । आजको खेल जितेमा हङकङले उपाधि भिडन्त पक्का गर्नेछ ।
नेपाल पहिलो खेलमा बुधबार तान्जानियासित २७ रनले पराजित भएको थियो । सिरिजमा आयोजक हङकङसँगै नेपाल, तान्जानिया र जापान सहभागी छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया