दार्चुला । बैतडीको डिलाशैनीमा खसी चोर्ने एक जना पक्राउ परेका छन् ।
बिहीबार राति ९ बजेतिर डिलाशैनी गाउँपालिका वडा नम्बर ५ बिनाबस्ती बस्ने देवसिंह साउँदको गोठबाट खसी चोर्न खोज्ने सोही वडाको लेट्ठेकोठ बस्ने २२ बर्षीय गोपाल नाथलाई प्रहरीले पक्राउ गरेको हो ।
गोठबाट खसी चोर्न लागेका नाथलाई स्थानीयहरुको सहयोगमा साउँदले नियन्त्रणमा लिएका र पछि प्रहरीलाई खबर गरेपछि प्रहरीले पक्राउ गरेको जिल्ला प्रहरी कार्यालय बैतडीका प्रवक्ता प्रहरी निरीक्षक खेमविक्रम केसीले बताउनुभयो ।
पक्राउ परेका नाथलाई इलाका प्रहरी कार्यालय पाटनमा राखेर अनुसन्धान गरिने प्रहरी निरीक्षक केसीले बताउनुभयो ।
नाथ यसअघि पनि छिमेकीको सुन चोरेको आरोपमा गत साउनमा समेत पक्राउ परेका थिए । उनलाई अदालतले धरौटीमा रिहा गरेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया