दार्चुला । बझाङमा पूर्व गाउँपालिका अध्यक्षलाई पेस्तोल पड्काउन दिएपछि एक प्रहरी असई निलम्बित भएका छन् ।
जिल्लाको छविसपाथिभेरा गाउँपालिका–३ पाटागाउँमा आफ्नो साथमा भएको पेस्तोल पट्काउन दिने असई पुष्कल चन्दलाई शुक्रवार पदबाट निलम्बन गरिएको हो।
निलम्बित असई चन्दले गएको कात्तिक ६ गते छविसपाथिभेराका पूर्व गाउँपालिका अध्यक्ष अक्कल धामीलाई रमाइलोका लागि आफ्नो पेस्तोल पट्काउन दिएका थिए।
खुल्ला रुपमा नियम विपरीत हातहतियारको दुरुपयोग गरेको उक्त विषयलाई सञ्चारमाध्यमहरुले मंसिर ७ गते बाहिर ल्याएका हुन्।
घटना घटेको एक महिना भएपनि अनविज्ञ रहेको बझाङ प्रहरीले उक्त कुरा थाहा पाएपछि अनुसन्धान सुरु गरेको थियोे। अनुसन्धान पश्चात् घटनामा संलग्न असईलाई तत्काल ६ महिनाको लागि पदबाट निलम्बन गरेको बझाङ प्रहरी प्रमुख तथा डिएसपी भरत बहादुर शाहले बताउनुभयो।
प्रहरीको पेस्तोल पड्काउने पूर्व गाउँपालिका अध्यक्ष धामीलाई पनि कारबाहीका लागि सिफारिस गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया