दार्चुला । बैतडीका एक युवकको भारतमा मृत्यु भएको छ । खाना पकाउने ग्यास लिक भएर आगलगाी हुँदा जिल्लाको पुर्चौडी नगरपालिका वडा नम्बर ६ भूमिराज कफलढुङ्गाका २० वर्षिय मदन अवस्थीको भारतको बेंगलोरम मृत्य भएको हो ।
केहि दिन पहिले कोठामा खाना पकाउने बेला ग्यास लिक भएर आगलागी हुँदा उनी जलेर गम्भीर भएका थिए । आगलागीबाट जलेर गम्भीर भएका अवस्थीको शुक्रबार उपचारको क्रममा अस्पतालमा मृत्यु भएको पुर्चौडी नगरपालिका वडा नम्बर ६ का वडा अध्यक्ष नरेन्द्र साउदले बताउनुभयो । उनको घरमा वृद्ध हजुरबुबा र आमा रहेका बताइएको छ ।
अवस्थी रोजगारीको सिलसिलामा एक वर्ष पहिले भारतको बेंगलोर गएका बताइन्छ । अवस्थीको कलिलै उमेरमा मृत्यु भएपछि घरपरिवार र आफन्त शोकमग्न भएको वडा अध्यक्ष साउदले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया