दार्चुला । बैतडीका विभिन्न शक्तिपिठहरुमा हिजोबाट जात्रा सुरु भएका छन् । दशरथचन्द नगरपालिका वडा नम्बर –२ देहीमाण्डौंस्थित निङ्गलाशैनी भगवती मन्दिरमा विहिवार (हिजो) बाट जात्रा आरम्भ भएको छ ।
घटस्थापनाका दिनदेखि नित्य पूजाआराधना हुँदै आएको मन्दिरमा (हिजो) बाट जात्रा आरम्भ भएको र आज महाष्टमीका दिन पशु बलिसहित जात्रा समापन हुने मन्दिरका भण्डारे चक्रबहादुर बोहराले बताउनुभयो । यो बर्ष चौथी तिथि वृद्धि भएकाले महाष्टमी र महानवमी एकैदिन परेको नेपाल पञ्चाङ्ग निर्णायक विकास समितिले जनाएको छ ।
निङ्गलाशैनी भगवती मन्दिरमा पनि (हिजो) महासप्तमी र (आज) महाष्टमी मानिएको छ । निङ्गलाशैनी भगवती मन्दिरमा महासप्तमीका दिन बलिका लागि हिजो ३५० भन्दा वढी पशुहरु बाधिएका छन् । आज पशुबली सगै जात्रा समापन हुने छ ।
हरेक बर्ष शरदीय नवरात्रको महासप्तमी र महाष्टमीको दिन निङ्गलाशैनी भगवती मन्दिरमा ठूलो जात्रा लाग्ने गर्दछ । निङ्गलाशैनी भगवतीको दर्शनका लागि बैतडी, दार्चुला, बझाङ लगायत सुदूरपश्चिमका हजारौं तथा छिमेकी मुलक भारतका दर्शनार्थीहरुको घुइचो लागेको छ ।
निङ्गलाशैनी भगवती मन्दिर लगायत बैतडीका विभिन्न शक्तिपिठहरुमा लागेका जात्रालाई व्यवस्थित बनाउन प्रशासनले पनि मेला सुरक्षा अन्तर्गत सुरक्षाकर्मी परिचालन गरिएको जिल्ला प्रहरी कार्यालयका प्रवक्ता प्रहरी निरीक्षक जनकराज ढुंगानाले बताउनुभएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया