दुर्गादत्त मिश्र, दार्चुला । जिल्ला प्रशासन कार्यालय दार्चुलाले तिहारको समयमा राती साढे ८ बजेपछि देउसी भैलो खेल्न रोक लगाएको छ । कार्तिक १२ गते जिल्ला प्रशासन कार्यालय दार्चुलामा बसेको सुरक्षा समितिको बैठकले तिहार तथा अन्य चाडपर्वलाई मध्यनजर गदैँ राती साढे ८ बजेपछि देउसी भैलो खेल्न रोक लगाउने निर्णय गरेको हो ।
प्रमुख जिल्ला अधिकारी यज्ञराज जोशीको अध्यक्षतामा बसेको सुरक्षा समितिको बैठकले राती साढे ८ बजेपछि देउसी भैलो खेल्न रोक लगाउने निर्णय गरेको जिल्ला प्रहरी कार्यालय दार्चुलाका प्रहरी निरीक्षक एंव सुचना अधिकारी कान्तिराज जोशीले जानकारी दिनुभयो ।
यस्तै तिहारमा आतिशबाजी, पटका, भुइँचम्पाजस्ता प्रज्वलनशील पदार्थको उत्पादन, बिक्रीवितरण तथा प्रयोग नगर्न आग्रह गर्नुका साथै कसैले सो बस्तुहरुको प्रयोग तथा विक्रिबितरण गरेको पाइएमा सार्वजनिक मुद्दा चलाउने प्रहरीले चेतावनी समेत दिएको छ ।
तिहारमा जुवातास खेल्ने खेलाउने कार्यसमेत पुर्णतया बन्द गरिएको जिल्ला प्रशासन कार्यालय दार्चुलाले जनाएको छ । दार्चुलाका विभिन्न शक्तिपिठहरुमा कार्तिक १८ गते भाइटिकाका दिनबाट रात्रीजात्रा समेत लाग्ने गरेका छन् । प्रहरीले चाडपर्व लक्षीत सुरक्षा योजना अनुसार बन्देज गरिएका अस्वभाविक क्रियाकलाप नर्गन नगराउन जिल्लावासीमा अपिल गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया