दार्चुला । बैतडीको सुर्नया गाउँपालिकाको कार्यापालिका बैठकमा बिवाद हुदा कुर्सी टोडफोड भएको छ । कार्यपालिका बैठकमा टुंङ्गोमा नै नपुगेको प्रस्ताव निर्णयपुस्तीकामा उल्लेख गरिएको भेटिएपछि बिवाद भएको हो ।
गत कार्तिक ९ गते बसेको कार्यपालिका बैठकमा कुनै छलफल नभएको प्रस्ताव निर्णयपुस्तीकामा उल्लेख गरिएको भेटिएपछि विवाद भएको सुर्नया गाउँपालिका प्रवक्ता एंव वडा नम्बर ४ का वडाअध्यक्ष प्रताप महराले जानकारी दिनुभयो । कार्यपालिमा नै विवाद भएपछि केही थान कुर्सी तोडफोड भएका उहाले बताउनुभयो ।
कार्यपालिकामा आएपनि टुङ्गोमा नपुगेको प्रस्ताव निर्णयपुस्तीका लेखिएको भेटिएपछि उक्त निर्णय लेखिएको पाना नै च्यातिएको छ । सो निर्णय के थियो भनेर खुलाइएको छैन ।आज बसेको कार्यपालिका बैठकमा विवाद भएपछि भोली दिउँसो २ बजे सम्मका लागि बैठक स्थगित गरिएको प्रवक्ता महराले बताउनुभयो ।
यस बिषयमा गाउँपालिका अध्यक्ष अम्मरबहादुर कुवँरले सामान्य विवाद भएको र थप छलफलका लागि बिहीबार बैठक बस्ने बताउनुभएको छ ।
पत्रकार जोशी लोकदर्पण मिडियाका लागि विभिन्न विधाका समसामयिक विषयमा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
स्वस्थानी व्रत कथा शुरू, रेडियो लोकदर्पणमा ज्यो. ईन्द्रदेव जोशीको प्रस्तुती (भिडियोसहित)
२०८१ पुष २९, सोमबार ०८:३०
