दार्चुला । बैतडीको दोगडाकेदार गाउँपालिकामा सञ्चालन भएको पालिकास्तरीय राष्ट्रपति रनिङ शिल्डको उपाधि केदार मावि पिपलकोटले हात पारेको छ ।
यही पौष २४ गतेदेखि दोगडाकेदार वडा नम्बर ७ स्थित लवलेक खेलमैदान सञ्चालन भएको प्रतियोगितामा ८ स्वर्ण, ३ रजत र ३ कास्य पदकसहित केदार मावि प्रथम भएको हो ।
यस्तै प्रतियोगितामा ६ स्वर्ण, ७ रजत र ९ कास्य पदक जितेर सनातन धर्म मावि श्रीकोट दोश्रो भएको छ भने ६ स्वर्ण, ३ रजत र ४ कास्य पदक जितेर भगवती मावि सित्तड तेश्रो भएको छ ।
शनिबार सम्पन्न भएको प्रतियोगितामा पालिकाभरीका ११ ओटा माध्यमिक विद्यालयहरुको सहभागिता रहेको थियो ।
प्रतियोगिता समापन समारोहमा विजेताहरुलाई शिल्ड, मेडल र प्रमाण पत्र वितरण गरिएको थियो । दोगडाकेदार गाउँपालिकाका अध्यक्ष चक्रबहादुर कार्कीको अध्यक्षतामा भएको समापन कार्यक्रममा पञ्चेश्वर गाउँपालिकाका अध्यक्ष गोरखबहादुर चन्द प्रमुख अतिथी रहनुभएको थियो।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
स्वस्थानी व्रत कथा शुरू, रेडियो लोकदर्पणमा ज्यो. ईन्द्रदेव जोशीको प्रस्तुती (भिडियोसहित)
२०८१ पुष २९, सोमबार ०८:३०
