दार्चुला । दार्चुलाको महाकाली नगरपालिका–५ किम्तडी ठण्याकाठामा सडक निर्माणको क्रममा पहिरो खस्दा चार दिनदेखि अवरुद्ध महाकाली लोकमार्ग अन्तरगत खंलगा–गोकुलेश्वर सडक खण्ड खुलाउने काम सुरु भएको छ । अवरुद्ध सडक सञ्चालनको लागी निर्माण व्ययसायीले स्काइभेटर मेसिन लगाएर काम थालेको दार्चुलाका प्रमुख जिल्ला अधिकारी यज्ञराज जोशीले बताउनुभयो ।
किम्तडी भिरमा खसेको पहिरोका कारण विगत चार दिनदेखि सडक पूर्णरुपमा अवरुद्ध भएको छ । भोलि बेलुकीसम्ममा पहिरो पन्छाउने प्रयास भइरहेको बताइएको छ । यद्धपी पहिरोका कारण सडक समेत भासिएकोले यातायात आवागमनको लागि भने थप समय लाग्ने सम्भावना रहेको छ ।
मौखिक रूपमा अनुरोध गर्दा ठेकेदार वा सडक डिभिजनबाट सडक खुलाउन तदारुकता नदेखिएपछि प्रशासन कार्यालयबाट हिजो लिखित रूपमै पत्राचार गरिएको थियो । अबरुद्ध सडक खुलाउन सहजिकरणको लागि जिल्ला प्रशासन कार्यालय दार्चुलाले गृह मन्त्रालय र प्रहरीलाई समेत बोधार्थ पठाएको थियो ।
सडक अबरुद्ध हुदा जिल्लाका विभिन्न स्थानका साथै दार्चुलाबाट कैलाली, कञ्चनपुर, काठमाण्डौँका लागि छुट्ने र जिल्ला सदरमुकाम खलंगा भित्रिने यातायातका साधनहरु र यात्रुहरुलाई समस्या भएको छ । खलंगाबाट किम्तडीसम्म पैदल हिडेर यात्रा गर्न समेत असहज भइरहेको यात्रुहरूको गुनासो छ । जिल्ला सदरमुकाम जोड्ने राजमार्ग अवरुद्ध भएपछि किम्तडीबाटै सवारीसाधनहरु ओहोरदोहोर गरिरहेका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया