दार्चुला । दार्चुलाको महाकाली नगरपालिकामा पाचौँ पालिकास्तरीय राष्ट्रपति रनिङ सिल्ड प्रतियोगिताको सुरु भएको छ । महाकाली नगरपालिकाको वडा नम्बर ७ धापमा अवस्थित मालिकार्जुन नमुना माविको खेलमैदानमा प्रतियोगिता उद्घाटन भएको हो । प्रतियोगिता उद्घाटन समारोहमा महाकाली नगरपालिकाका प्रमुख नरसिंह चैसीर लगायत जनप्रतिनिधि, कर्मचारी, शिक्षक, विद्यार्थी, स्थानीय अभिभावक लगायतको उपस्थिति रहेको थियो ।
माघ १५ गते (आज) देखि १८ गतेसम्म सञ्चालन हुने प्रतियोगितामा महाकाली नगरपालिकाभित्रका माद्यमिक विद्यालयहरुबाट प्रतियोगि विद्यार्थीहरु सहभागि छन् । यसअघि दार्चुलाका सात स्थानीय तहमा पालिकास्तरीय राष्ट्रपति रनिङ सिल्ड प्रतियोगिता सम्पन्न भइसकेको छ । लेकम गाउँपालिकामा समेत माघ भित्रै प्रतियोगिता सम्पन्न हुने बताइएको छ ।
पालिकास्तरीय प्रतियोगिता सम्पन्न भएपछि दार्चुलाको १५औं जिल्ला स्तरीय राष्ट्रपति रनिङ शिल्ड प्रतियोगिता आगामी फागुन १० गतेबाट फागुन १५ गते सम्म मार्मा गाउँपालिकाको वडा नम्बर ४ मा रहेको तपोवन खेलमैदानमा सञ्चालन गरिने जिल्ला खेलकुद विकास समिति दार्चुलाले जनाएको छ। वटै पालिकाबाट छनोट भएका टिमबिच जिल्ला स्तरीय राष्ट्रपति रनिङ शिल्डमा प्रतिस्पर्धा हुनेछ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया