दार्चुला । दार्चुलाको मालिकार्जुन गाउँपालिका सोमबार (आज) शोक विदा दिइएको छ। गाउँपालिकामा कार्यरत उद्यम विकास शाखा प्रमुख जगदीश अवस्थीको निधनमा आज गाउँपालिकामा शोक विदा दिइएको प्रमुख प्रशासकीय अधिकृत नरबहादुर ठगुन्नाले बताउनुभयो । गाउँपालिकाले सोमबार एक सूचना जारी गर्दै गाउँपालिका भित्रका अत्यावश्यक बाहेकका कार्यालयहरु बन्द रहने जानकारी दिएको छ।
मालिकार्जुन गाउँपालिका वडा नम्बर ५ डाडाकोट घर भएका गाउँपालिकाका उद्यम विकास संयोजक तथा नेपाल निजामती कर्मचारी संगठन मालिकार्जुनका अध्यक्ष अवस्थीको गाडीले ठक्कर दिदा ज्यान गएको हो । समाजसेवी अवस्थीको अल्पायुमै भएको निधनप्रति धेरै जनाले श्रद्धाञ्जली व्यक्त गरेका छन् ।
भारतको प्रयागराजमा लागेको कुम्भमेलामा सहभागी हुन आमासहित जादैगरेका अवस्थीको लखनउमा गाडीले ठक्कर दिएर मृत्यु भएको पारिवारिक श्रोतले जनाएको छ । आफू सवार गाडीबाट झरेको बेला सडकमा अर्को गाडीले ठक्कर दिएपछि गम्भीर घाइते भइ अस्पताल लगेका अवस्थीलाई डाक्टरले मृत घोषणा गरेको बताइएको छ । अवस्थीको निधनमा गाउँनै शोकमा डुबेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया