दार्चुला । दार्चुलाको लेकम गाउँपालिकामा सञ्चालन भएको सामाजिक सुरक्षा भत्ता वितरण शिविर सम्पन्न भएको छ । माघ २३ गते देखि सञ्चालन भएको शिविर सोमबार सम्पन्न भएको गाउँपालिकाका एमआईएस अपरेटर प्रकास राज विष्टले जानकारी दिनुभयो ।
गाउँपालिकाको वार्षिक स्वीकृत कार्यक्रम अनुसार माघ २३ गते गाउँपालिकाको वडा नम्बर ३ लालीबाट सुरु भएको सामाजिक सुरक्षा भत्ता वितरण शिविर गाउँपालिकाका ५ वटा वडाहरुमा सञ्चालन गरिएको थियो । चालु आर्थिक वर्षको दोस्रो त्रैमासिक अवधिको सामाजिक सुरक्षा भत्ता वितरण शिविरमा ५ वटै वडाका ७२५ जनाले सेवा लिएको उहाँले बताउनुभयो । उहाँका अनुसार गाउँपालिकाको वडा नम्बर १ सर्मोलीमा सञ्चालन भएको शिविरमा ९५ महिला र ५० जना पुरुष गरि १ सय ४५ जनाले सामाजिक सुरक्षा भत्ता बुझेका छन । त्यस्तै वडा नम्बर २ कुणीमा १ सय ४५ जना महिला र ९० जना पुरुष गरि २ सय ३५ जना, वडा नम्बर ३ लालीमा ५० जना महिला र ४८ पुरुष गरी ९८ जनाले सामाजिक सुरक्षा बुझेका छन् । वडा नम्बर ४ खरकडामा ९० जना महिला र ५५ जना पुरुष गरी १ सय ४५ जना र वडा नम्बर ६ उचाकोटमा ७८ जना महिला र ३४ पुरुष गरी १०२ जनाले शिविरबाट सामाजिक सुरक्षा भत्ता बुझेका छन् ।
लेकम गाउँपालिकाको वडा नम्बर ५ चौपातामा भने बैंक बाटै सामाजिक सुरक्षा भत्ता वितरण हुने एमआईएस अपरेटर विष्टले बताउनुभयो । अन्य वडाका नागरिकलाई बैंक सम्म आउन समस्या हुने भएकोले गाउँघरमै पुगेर भत्ता वितरण गरिएको उहाँले बताउनुभयो । वडा कार्यालयबाटै सामाजिक सुरक्षा भत्ता बुझ्न पाएपछि लाभग्राही खुसी भएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया