दार्चुला । बैतडीको मेलौली नगरपालिका वडा नम्बर ७ स्थित एक होटेलमा पुरुष मृत अवस्थामा फेला परेका छन्। मृतक मेलौली नगरपालिका वडा नम्बर १ घर भएका अन्दाजी ५०-५५ वर्ष उमेरका तेज सिंह नायक मृत फेला परेको प्रहरीले जनाएको छ।
नायक साही होटेलको १२ नम्बर कोठामा हिजो राति बसेका थिए। बिहान अबेरसम्म कोठाबाट बाहिर नआएपछि होटेल सञ्चालक र मृतककी आमाले खोजतलास गरेका थिए। खोजीका क्रममा नायक कोठाभित्र मृत अवस्थामा फेला परेको जिल्ला प्रहरी कार्यालय बैतडीका प्रहरी निरीक्षक बलदेव बडुले जानकारी दिनुभयो ।
घटनापछि मृतककी श्रीमती काठमाडौँ जाँदै गरेको अवस्थामा खबर पाएर अत्तरियाबाट फर्किएको उहाँले बताउनुभयो ।
मृत्युको कारण खुल्न नसकेको र थप अनुसन्धान भइरहेको जिल्ला प्रहरी कार्यालय बैतडीले जनाएको छ। हाल इलाका प्रहरी कार्यालयको टोली घटनास्थलमै उपस्थित रही आवश्यक अनुसन्धान गरिरहेको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया