दार्चुला । बैतडीमा कुकुरको टोकाइबाट एक बालकको मृत्यु भएको छ ।
जिल्लाको पुर्चौंडी नगरपालिका नम्बर ६ कुयलीगाउँका १२ बर्षीय अनिल साउँदको कुकुरको टोकाइबाट आइतबार मृत्यु भएको स्थानीय समेत रहेका शिक्षक मनोज साउँदले बताउनुभयो।
अनिललाई करीब दुई हप्ता अगाडि कुकुरले टोकेको थियो । कुकुराको टोकाइबाट टाउकोमा चोट लागेर घाइते भएका अनिललाई उपचारका लागि धनगढी लगिएको थियो ।
धनगढीको सेती प्रादेशिक अस्पतालमा उपचार गरेर तीनदिन अगाडिमात्रै घरमा ल्याएका अनिलको स्वास्थ्यमा थप समस्या आएपछि आइतबार अस्पताल लैजाने क्रममा साँझ ६ बजेतिर डडेल्धुरा नजिक पुग्दा मृत्यु भएको हो ।
कुकुरको टोकाइबाट घाइते भएका अनिलमा रेबिजका लक्षण देखिएका थिए । उनी पानी देख्ने बित्तिकै निकै डराउने भएका थिए ।
जनता आधारभूत विद्यालय रौनालीचौडमा कक्षा ६ मा अध्ययनरत अनिलको मृत्यु भएपछि पुरै गाउँ शोकमा डुबेको शिक्षक साउँदले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया