दार्चुला । दार्चुलाको शैल्यशिखर नगरपालिका वडा नम्बर १ को बारिल गाउँ जोड्ने सडक अवरुद्ध भएको छ ।
शैल्यशिखर नगरपालिकाले वडा नम्बर १ को टुणी क्षेत्रमा सडक निर्माण गरिरहेकाले बारिल गाउँ जोड्ने सडक तथा बाटो अबरुद्ध भएको लटिनाथ आधारभूत विद्यालय बारिलका प्रध्यानाध्यापक सुरेन्द्र तितराले जानकारी दिनुभयो । सडक र बाटोमाथी अर्को सडक निर्माण कार्य भइरहदा माथिबाट ढुंगा खस्ने जोखिम रहेको उहाँले बताउनुभयो ।
त्यस्तै मल्लाबाँज क्षेत्रमा ३ वटा घरहरु पहिराको उच्च जोखिममा रहेका छन् । यस विषयमा वडा नम्बर १ का वडा अध्यक्ष भरत बहादुर खडायतलाई बुझदा उक्त बस्तीको माथिल्लो क्षेत्रमा सडक निर्माण भइरहेको र सडक अबरुद्ध भएको जानकारी प्राप्त नभएको बताउनुभएको छ । जोखिम रहेको क्षेत्रमा निर्माण व्यवसायीसंग छलफल गरेर चाडैँ समस्या समाधान गरिने उहाँले बताउनुभएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया