दार्चुला । बैतडीमा एक किशोरीमाथि जबरजस्तीकरणी गरेको आरोपमा एक किशोरलाई पक्राउ गरिएको छ ।
जिल्लाको पाटन नगरपालिका–६ भडालीका १९ वर्षीय रोहित लुहारले १९ वर्षीया किशोरीलाई जबरजस्तीकरणी गरेको अभियोगमा आइतबार पक्राउ गरिएको जिल्ला प्रहरी कार्यालय बैतडीका प्रवक्ता, प्रहरी निरीक्षक बलराम पाण्डेयले बताउनुभयो ।
किशोरीले आफूमाथि जबरजस्तीकरणी गरेको जाहेरी इलाका प्रहरी कार्यालय पाटनमा दिनुभएको थियो । सोही जाहेरीका आधारमा लुहारलाई पक्राउ गरिएको प्रहरी निरीक्षक पाण्डेयले बताउनुभयो ।
पक्राउ परेका लुहारमाथि जिल्ला अदालतबाट ८ दिनको म्याद थप गरेर अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
