दार्चुला । बैतडीको पुर्चौडी नगरपालिकाको ५१ औँ कार्यपालिका बैठक विभिन्न निर्णय गर्दै सम्पन्न भएको छ ।
आजको बैठकले सञ्चार सुविधा विस्तारका लागि पुर्चौडी नगरपालिका वडा नम्बर ८ मल्लादेही देधारमा टावर निर्माण गर्न १५ लाख बजेट विनियोजन गर्ने निर्णय गरेको छ । यस्तै नगरपालिकाको हिउँदे अधिवेसन फागुन १२ गतेभित्र सम्पन्न गरिसक्ने निर्णय गरिएको नगरप्रवक्ता दलबहादुर धामीले जानकारी दिनुभयो ।
चालु आर्थिक वर्षमा विनियोजन गरिएका केहि योजनाहरुको सम्झौता हालसम्म समेत नगरेको पाइएकोले फागुन मसान्तभित्र योजना सम्झौताको म्याद थप गर्ने निर्णय गरिएको उहाँले बताउनुभयो ।
कोभिड अस्थाई अस्पतालमा कार्यरत डाक्टर प्रकाश चौधरी सहित स्टाफ नर्श र कार्यालय सहयोगीलाई पुर्चौडी नगरपालिकाको हाट स्वास्थ्यचौकीमा साविककै सेवासुविधासहित निरन्तरता दिने निर्णय गरिएको प्रवक्ता दलबहादुर धामीलाई उद्धित गर्दै रेडियो लोकदर्पणका पुर्चौडी समाचारदाता हरि सिह साउँदले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया