दार्चुला । दार्चुलामा (शुक्रबार) आज थप ६ स्वास्थ्यकर्मी सहित १० जनामा कोरोना संक्रमण पुष्टि भएको छ ।
जिल्ला अस्पताल दार्चुला र गोकुलेश्वर अस्पतालमा गरिएको एन्टीजेन परीक्षण गर्दा थप ७ जनामा संक्रमण पुष्टि भएको हो ।
गोकुलेश्वर अस्पतालमा आज गरिएको एन्टीजेन परिक्षणमा गोकुलेश्वर अस्पतालका ४ जना स्वास्थ्यकर्मी र एक जना बोर्डिङ स्कुलका शिक्षक रहेको स्वास्थ्य कार्यालय दार्चुलाका कोरोना भाइरस फोकल प्रर्शन विरेन्द्र राज भट्टले जानकारी दिनुभयो ।
त्यस्तै जिल्ला अस्पतालमा गरिएको परिक्षणमा जिल्लाको महाकाली नगरपालिका वडा नम्बर ५ का एक जना र मालिकार्जुन गाउँपालिका वडा नम्बर ८ का एक पुरुषमा संक्रमण पुष्टि भएको उहाँले बताउनुभयो ।
त्यस्तै लेकम गाउँपालिकामा गरिएको परिक्षणमा २ स्वास्थ्यकर्मी सहित ३ जनामा कोरोना संक्रमण पुष्टि भएको छ ।
हिजो पनि जिल्लामा ५ स्वास्थ्यकर्मी सहित ११ जनामा कोरोना संक्रमण पुष्टि भएको थियो ।
आज थपिएका सहित दार्चुलामा कोरोनाका सक्रिय संक्रमितको संख्या २७ पुगेको छ । जसमा ११ जना स्वास्थ्यकर्मी रहेका छन ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया