दार्चुला । दार्चुलामा थप एक जना कोरोना संक्रमित पुरुषको ज्यान गएको छ ।
जिल्ला अस्पताल दार्चुलामा उपचारको क्रममा ७२ वर्षीय पुरुषको सोमबार विहान ज्यान भएको स्वास्थ्य कार्यालय दार्चुलाका सिआइसिटी सहजकर्ता सुरज सुजन बोहराले जानकारी दिनुभयो ।
दुहुँ गाउँपालिका वडा नम्बर ३ घर भइ हाल दार्चुला सदरमुकाम खलंगा बस्दै आउनुभएका ति पुरुषमा आइतबार मात्रै कोरोना संक्रमण पुष्टि भएको थियो ।
एन्टिजेन विधिबाट गरिएको परीक्षणमा कोरोना पुष्टि भएको बोहराले बताउनुभयो ।
यो संगै दार्चुलामा कोरोना संक्रमणका कारण ज्यान गुमाउनेको संख्या सात पुगेको छ ।
दार्चुलामा दोस्रो लहरको कोरोना फैलिएपछि ३३३ जनामा संक्रमण पुष्टि भएको छ । भने ४३ जनाले कोरोना जितेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया