दार्चुला । दार्चुलामा कोरोना संक्रमणमुक्त हुनेको संख्या बढ्दै भएको छ ।
दार्चुलामा मंगलबार (आज) १०९ जनाले कोरोना जितेको स्वास्थ्य कार्यालय दार्चुलाका सिआईसिटी सहजकर्ता सुरज सुजन बोहराले जानकारी दिनुभयो ।
मंगलबार अपिहिमाल गाउँपालिकाका ९४ जना, महाकाली नगरपालिकाका १४ जना र जिल्ला अस्पताल दार्चुलाका एक जनाले कोरोना जितेर डिस्चार्ज भएको बोहराले बताउनुभयो ।
मंगलबार एकैदिन १०९ जना संक्रमणमुक्त भएसंगै दार्चुलामा कोरोना संक्रमणमुक्त हुनेको संख्या ३२६ पुगेको छ ।
मंगलबार थप चार जना संक्रमित थपिएका छन् । नौगाड गाउँपालिकाका तीन जना र जिल्ला अस्पताल दार्चुलामा एक जनामा संक्रमण पुष्टि भएको हो ।
कोरोनाको दोस्रो लहर शुरु भएयता दार्चुलामा ५९५ जनामा कोरोना संक्रमण पुष्टि भएको छ । भने १० जना संक्रमितको ज्यान भएको छ ।
अहिले जिल्लाभरी २५९ जना सक्रिय संक्रमित रहेको स्वास्थ्य कार्यालय दार्चुलाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया