दार्चुला । दार्चुलाको अपिहिमाल गाउँपालिका वडा नम्बर ५ का एक महिलाको यार्सागुम्बा संकलनको क्रममा ज्यान गएको छ ।
यार्सागुम्बा संकलनको लागि अपिहिमालको सातगंगा वनमा गएको बेला अन्दाजी ४० वर्षीया चुन्धरी धामीको मृत्यु भएको पारिवारिक स्रोतले जनाएको छ ।
धामी यार्सागुम्बा संकलनको लागि गत वैशाख अन्तिमतिर पाटन पुग्नुभएको थियो ।
केहि दिन यता पेट दुख्ने समस्याबाट पिडित उहाँको निरन्तर पेट दुखेकै कारण मृत्यु भएको बताइएको छ ।
मृतकका दुई छारा र दुई छोरी छन् ।
यसअघि अपिहिमाल गाउँपालिका वडा नम्बर ४ का एक पुरुषको पनि यार्सागूम्बा संकलनको क्रममा हिउँ पहिरोमा परि ज्यान गएको थियो ।
हिमाली क्षेत्रमा यार्सागुम्बा संकलनको क्रममा बर्षेनि केहि मानिसको ज्यान जाने गरेको छ ।
दार्चुलाको अपिहिमाल र व्यास गाउँपालिकामा वैशाख देखि असारसम्म यार्सागुम्बा संकलन हुने गरेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया