दार्चुला । दार्चुला जिल्लामा जेठ ३० गतेसम्मका लागि चौथो पटक निषेधाज्ञा थप गरिएको छ ।
जिल्ला कोभिड-१९ संकट व्यवस्थापन केन्द्र दार्चुलाको सिफारिस अनुसार प्रमुख जिल्ला अधिकारी शिद्धराज जोशीले जेठ ३० गते राती १२ बजेसम्मका लागि निषेधाज्ञा जारी गरेको जिल्ला प्रशासन कार्यालय दार्चुलाले जनाएको छ ।
कोभिड-१९ रोकथाम तथा नियन्त्रणको कार्यलाई थप प्रभावकारी बनाउन १० दिनका लागि निषेधाज्ञा थप गर्न मंगलबार (हिजो) कोभिड-१९ संकट व्यवस्थापन केन्द्र दार्चुलाले जिल्ला प्रशासन कार्यालयलाई सिफारिस गरेको थियो ।
जिल्लामा कोभिड–१९ सङ्क्रमणको जोखिम कायम नै रहेको हुँदा भिडभाड र हिँडडुल नगर्न सार्वजनिक सूचनामार्फत आह्वान गरिएको छ । निषेधाज्ञा अवधिभर सार्वजनिक यातायातका साधन, होटल, हाटबजार सञ्चालन नहुने र घुमफिर र भेला जमघट केही गर्न नपाउने गरी रोक लगाइएको छ ।
अत्यावश्यक सामग्री आपूर्ति गर्ने साधन (अस्पताल, औषधि पसल, दूध, खाने पानी, खाद्यान्न आपूर्ति गर्ने साधन, एम्बुलेन्स, शववाहनसहित अत्यावश्यक सेवा) भने सञ्चालन हुने बताइएको छ ।
बैंक तथा बित्तिय संस्था विहान ८ देखि १० बजेसम्म मात्रै सञ्चालन हुने जनाइएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया