दार्चुला । दार्चुलामा शुक्रबार थप २८ जनामा कोरोनामा कोरोना संक्रमण पुष्टि भएको छ। एन्टीजेन विधिबाट गरिएको परिक्षणमा जिल्लामा आज थप २८ जनामा कोरोना संक्रमण पुष्टि भएको स्वास्थ्य कार्यालय दार्चुलाले जनाएको छ ।
शुक्रबार कोरोना पुष्टि हुनेमा नौगाड गाउँपालिकाका १६ जना रहेका छन । त्यस्तै महाकाली नगरपालिकाका ४ जना, लेकम गाउँपालिकाका ५ जना, मार्मा गाउँपालिकाका २ जना र शैल्यशिखर नगरपालिकाका १ जना रहेका छन ।
पछिल्लो २४ घण्टामा थपिएका सहित दार्चुलामा कोरोना संक्रमण पुष्टि हुनेको संख्या ८ सय ६० पुगेको छ ।
शुक्रबार थप २२ जना कोरोना संक्रमण मुक्त भएका छन । हाल सम्म कोरोना संक्रमण मुक्त हुनेको संख्या ६ सय पुगेको छ ।
हालसम्म जिल्लाको अपिहिमाल गाउँपालिकामा सबैभन्दा बढी २ सय जनामा कोरोना संक्रमण पुष्टि भएको छ । त्यस्तै महाकाली नगरपालिकाका १ सय ८१ जनामा, शैल्यशिखर नगरपालिकाका १ सय १ जनामा, नौगाड गाउँपालिकाका ७५ जनामा, लेकम गाउँपालिकाका ७३ जनामा, दुहुँ गाउँपालिकाका ७१ जनामा, मालिकार्जुन गाउँपालिकाका ६८ जनामा, मार्मा गाउँपालिकाका ५२ जनामा र ब्याँस गाउँपालिकाका ३९ जनामा कोरोना संक्रमण पुष्टि भएको छ ।
कोरोनाको दोस्रो लहर सुरु भए यता दार्चुलामा ११ जनाको कोरोना संक्रमणको कारण ज्यान गुमाएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया