दार्चुला । नेकपा एमाले केन्द्रिय सदस्य, सुदूरपश्चिम सहइन्चार्ज एबं पूर्व संघीय मामिला तथा सामान्य प्रशासन मन्त्री गणेश सिंह ठगुन्नाको पहलमा संकलन भएको स्वास्थ्य सामाग्री आइतबार (आज) काठमाण्डौँबाट दार्चुला पठाइएको छ ।
३० थान अक्सिजन सिलिण्डर, ५ थान अक्सिजन कन्सनट्रेटर, एन्टिजेन किट, पल्स अक्सिमिटर, पीपीर्ई, थर्माे गन, अक्सिजन ईनहेलर, मास्क लगायतका स्वास्थ्य उपकरण तथा सामग्रीहरु दार्चुला पठाइएको अनेरास्ववियुका नेता राजेशसिंह बिष्टले जानकारी दिनुभयो ।
उक्त स्वास्थ्य सामाग्री जिल्ला अस्पताल दार्चुला र गोकुलेश्वर अस्पतालमा वितरण गरिने उहाँले बताउनुभयो । पूर्वमन्त्री ठगुन्नाले आफू कोरोना संक्रमणका कारण अस्पतालको शैय्यामै हुदाँ जिल्ला अस्पताल दार्चुलामा अक्सिजन प्लान्ट लगायत उपकरण खरिदका लागि बजेट विनियोजन गराउनुभएको छ ।
कोरोना संक्रमित ठगुन्नाको स्वास्थ्यमा सुधार भएसंगै गत साता अस्पतालबाट डिस्चार्ज हुनुभएको छ । अस्पतालबाट डिस्चार्ज हुने बित्तिक्कै जिल्लाका लागि स्वास्थ्य उपकरण तथा सामग्रीहरुको संकलन गरि दार्चुला पठाइएको बिष्टले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया