दार्चुला । दार्चुलाको नौगाडमा बाढी पहिरोका कारण थुनिएको नदी खुलाउन सोमबारदेखि सुरक्षाकर्मी परिचालन गरिएको छ ।
असार २४ र २५ गते आएको बाढि पहिरोका कारण नौगाड गाउँपालिका वडा नम्बर ३ मा जामिरमा नदी थुनिएर बाँध बनेको छ । स्थानीयले थुनिएको नदी खुलाउन प्रयास गरेपनि नदी खुलाउन नसकेपछि सोमबारदेखि सुरक्षाकर्मी परिचालन गरिएको जिल्ला प्रहरी कार्यालय दार्चुलाले जनाएको छ ।
स्थानीयसंगै नेपाली सेना, नेपाल प्रहरी र सशस्त्र प्रहरीको टोलीले थुनिएको नदी खुलाउने काम गरिरहेका छन् । सोमबार दिनभरी चार मिटर जती मात्रै ड्याम घटाउन सकिएको र पुर्ण रुपमा नदी खुलाउन अझै केहि समय लाग्ने जिल्ला प्रहरी कार्यालय दार्चुलाका सूचना अधिकारी नरेन्द्र चन्दले जानकारी दिनुभयो ।
स्थानीयबासीमा भने बाँधका कारण त्रास बढ्नुका साथै बाढि पहिरो पीडितको विचल्ली बनेको छ । नौगाडमा दर्जनौ पहिरो एकै पटक आउनु र दुई खोलाको दोभानमा नदी थुनिएपछि बाढिले विसाल रुप लिएको स्थानीयहरुले बताएका छन् ।
पहिरोले पुरिएर एकै परिवारका दुईसहित तीन जनाको मृत्यु भएको थियो । केहि परिवार घर, जमिन बाढीले बगाएपछि विस्थापित भएका छन् । आधा दर्जन परिवार अहिले राहत र पुर्नस्थापनाको पर्खाइमा छन् । नौगाडमा वर्षेनी बाढी, पहिरोका कारण धनजनको ठूलो क्षती हुने गरेको छ ।
नौगाड गाउँपालिकाले बाढी, पहिरोका कारण ज्यान गुमाएका परिवारलाई प्रति परिवार २० हजार किरिया खर्च वाफत उपलब्ध गराउने र घर पूर्ण रुपमा क्षती भएकाका परिवारलाई अस्थाई बसोबासका लागि १५ हजार उपलब्ध गराउने निर्णय गरेको छ । बाढी पिडित केहि परिवारलाई खाद्यान्न तथा राहात समेत वितरण गरेको गाउँपालिकाले थप राहात र पुनस्थापनाका लागि प्रदेश र संघीय सरकारलाई अनुरोध गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया