दार्चुला । दार्चुला सदरमुकाम खलंगामा सोमबार रातीदेखि राष्ट्रिय प्रसारण लाइनको विद्युत सेवा अवरुद्ध बनेको छ। चमेलियाबाट ल्याइएको ११ केभी क्षमताको प्रसारण लाइन अवरुद्ध भएको नेपाल विद्युत प्राधिकरण वितरण केन्द्र दार्चुलाले जनाएको छ।
विद्युत सेवा अवरुद्ध बन्दा जिल्लावासीले सास्ती भोग्नुपरेको छ। सदरमुकाम खलंगामा मंगलबार रातीदेखि विद्युत नहुदा आम सेवाग्राही र व्यवसायीहरु समस्यामा छन् । अरु समयमा पनि विद्युत आउने जाने भइरहने र मंगलरबार रातीदेखि लामो समय पूर्ण रुपमा विद्युत अवरुद्ध भएपछि विभिन्न काम गर्नबाट बञ्चित हुनुपरेको व्यवसायीहरुको गुनासो छ । राष्ट्रिय प्रसारण लाइन अवरुद्ध हुँदा उज्यालो बाल्न, मोबाइल चार्ज गर्न, खाना पकाउन, विद्युतबाट चल्ने मेसिनहरु चलाउन नसकिएको स्थानीयले बताएका छन्।
अहिले विद्युत मर्मतको काम भइरहेको नेपाल विद्युत प्राधिकरण वितरण केन्द्र दार्चुलाले जनाएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया