दार्चुला । बैतडीको पुर्चौडी नगरपालिकाको केन्द्र रहेको हाटमा मोबाईल नेटवर्कले काम नगर्दा समस्या हुने गरेको बताइएको छ। बैतडीको सबैभन्दा ठूलो पुर्चौडी नगरपालिकाको केन्द्र हाटलगायत अन्य वडाहरुमा पनि भनेको र चाहिएको बेला फोन नलाग्ने समस्या रहेको वडा नम्बर ७ भवनेका लोगराज जोशीले बताउनुभयो। उहाँले सामाजिक सञ्जाल फेसबुकमा गुनासो पोख्दै लेख्नुभएको छ, नेपालको सहरी क्षेत्रलाई नगरपालिका घोषणा गरिएको छ। तर त्यस्तो नगरपालिका पनि छ जसको केन्द्रमासमेत फोन नलाग्ने समस्या छ।
नेपाल टेलिकमको टावर नगरपालिकाको वडा नम्बर ५ को दहताल डाडोमा भएपनि सोलारबाट चार्ज हुने भएकाले पानी परेको, मौसम बदली भएको दिन दिउँसोसमेत नेटवर्क नदेखाउने समस्या रहेको वडा नम्बर ७ की अर्की स्थानीय पार्वती अवस्थीले बताउनुभयो । ३० हजार बढी जनसंख्या र साबिकका पुर्चौडी क्षेत्रका १० गाविस मिलाएर पुर्चौडी नगरपालिका घोषणा गरिएको भएपनि नगरपालिका हुनलाई आवश्यक मापदण्ड खानेपानी, विजुली, सडक सञ्जाल, स्वास्थ्य सेवा, संचार लगायतका सुविधाको अझै अभाव रहेको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया