दार्चुला । दार्चुलाको दुहुँ गाउँपालिकाका बाढीपहिरो पीडित परिवारहरुलाई राहत वितरण गरिएको छ । सोसल भोलेन्टियर्स ग्रुप दार्चुलाले मंगलबार (आज) राहत वितरण गरेको हो ।
सामाजिक सञ्जालमार्फत विभिन्न दातृ निकाय तथा व्यक्तिहरुबाट आर्थिक सहयोग संकलन गरी दुहुँका बाढीपहिरो पिडित परिवारलाई राहत वितरण गरिएको सोसल भोलेन्टियर्स ग्रुपका संयोजक एवं अधिवक्ता कृष्णबहादुर महराले जानकारी दिनुभयो । खाद्यान्न, लुगाकपडा खरिद गरी पीडित परिवारलाई वितरण गरिएको उहाँले बताउनुभयो ।
सहयोग गर्ने देश तथा विदेशमा रहेकाहरुको नामावलीसहित रकम समेत संयोजक महराले सबैलाई जानकारी गराउनुभयो । दुहुँ गाउँपालिकाका विभिन्न वडाका ४६ घर पूर्ण क्षति भएका बाढी पहिरो पीडित र १५८ वटा आंशिक क्षति तथा उच्च जोखिम रहेका पीडित परिवारलाई ग्रुपले राहत वितरण गरेको हो ।
गौरापर्वको अघिल्लो राती गत भाद्र १३ गतेको बाढी पहिरोका कारण दुहुँ गाउँपालिकामा ठूलो जनधनको क्षति भएको थियो । बाढीपिडितको बिचल्ली भएपछि विभिन्न संस्था तथा समूह गरी ७० जनाले राहत रकम उपलब्ध गराएका थिए । राहत वितरणका लागि ग्रुपले जम्मा २०४ जना पीडितको सूचि तयार पारेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया