दार्चुला । नेपाल–भारत सीमा सुरक्षा बैठक पिथौरागढमा शनिबार सम्पन्न भएको छ । भारतको पिथौरागढ जिल्लासंग जोडिएका नेपालका दार्चुला र बैतडीका जिल्ला सुरक्षा समिति पदाधिकारीसहितको बैठक पिथौरागढमा सम्पन्न भएको हो । सीमा सुरक्षा बैठकमा सहभागि भएर नेपाली सुरक्षा अधिकारीहरु आइतबार (आज) स्वदेश फर्किएका छन् ।
सीमा बैठकमा भाग लिनका लागि दार्चुलाका प्रमुख जिल्ला अधिकारी सिद्धराज जोशीको नेतृत्वमा दार्चुलाबाट सुरक्षा अधिकारी र केही कार्यालय प्रमुखहरु पिथौरागढ गएका थिए । बैठकमा सहभागि भएर प्रमुख जिल्ला अधिकारी नेतृत्वको टोली बैतडी हुँदै दार्चुला आउन लागेको बताइएको छ । बैठकमा भएका निर्णयबारे टोली दार्चुला पुगिसकेपछि मात्रै आधिकारीक जानकारी प्राप्त हुने जिल्ला प्रशासन कार्यालय दार्चुलाले जनाएको छ ।
दार्चुलाबाट १५ जनाको टोली पिथौरागढ गएको थियो । उहाँहरु आज पिथौरागढबाट झुलाघाट हुँदै बैतडी पुग्नुभएको छ । सीमा क्षेत्रको अपराध नियन्त्रण तथा सीमा क्षेत्रमा भइरहेका गतिविधिहरुको छलफल गर्न र आवश्यक सहकार्यका लागी बैठक बसेको बताइएको छ ।
दार्चुला, बैतडी र भारतको पिथौरागढ जिल्लाका अधिकारीहरुको सीमा सुरक्षा बैठक प्रत्येक बर्ष आलोपालो गरेर बस्दै आएकोमा कोरोना जोखिमका कारण विगत दुई बर्षयता बस्न सकेको थिएन । दुई बर्षपछि बसेको बैठकमा सीमा क्षेत्रका समसामयिक विषयमा छलफल भएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया