दार्चुला । नेपाली काँग्रेस नेता रमेश लेखकले महेन्द्रनगर विमानस्थल निर्माण कार्य अगाडि बढाउन पर्यटनमन्त्री प्रेम आलेको ध्यानाकर्षण गराएका छन् । शनिबार (आज) बिहान मन्त्री आलेलाई भेटेर नेता लेखकले आफ्नो गृहजिल्ला कञ्चनपुरस्थित महेन्द्रनगर विमानस्थलको काम अगाडि बढाउन भनेका हुन् ।
पूर्व भौतिक पूर्वाधारमन्त्री भएका बेला महेन्द्रनगर विमानस्थल बनाउने योजना अगाडि सारेपनि अहिलेसम्म कामले गति लिन नसकेको भन्दै लेखकले मन्त्री आलेको ध्यानाकर्षण गराएका हुन् ।
जवाफमा मन्त्री आलेले चाँडै महेन्द्रनगर विमानस्थलको शिलान्यास गरिने आश्वासन दिएका छन् । महेन्द्रनगर विमानस्थलका लागि आवश्यक बजेटको व्यवस्था गरिसकेको मन्त्री आलेको भनाई थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया