दार्चुला : प्रधानमन्त्री शेरबहादुर देउवाले सर्वदलीय बैठक बोलाउनुभएको छ ।
प्रधानमन्त्री निवास बालुवाटारमा आइतबार दिउँसो ४ बजेको लागि बैठक बोलाइएको हो । संसदको गतिरोध अन्त्य र एमसीसी पेश गर्ने सन्दर्भमा सहमति जुटाउन सर्वदलीय बैठक बोलाइएको प्रधानमन्त्रीको सचिवालयले जनाएको छ ।
संसदमा प्रतिनिधित्व गर्ने सबै राजनीतिक दलहरुसँग एमसीसी सम्झौता संसदमा पेश गर्ने विषयले छलफलमा प्राथमिकता पाउने बताइएको छ । नेकपा एमालेको अवरोधका कारण संसद चल्न सकेको छैन ।
माओवादी केन्द्रका अध्यक्ष पुष्पकमल दाहालले संसदको अवरोध, एमसीसी लगायतका विषयमा सत्तागठबन्धनको बैठक बोलाउन आग्रह गरेलगत्तै देउवाले बैठक डाक्नुभएको हो ।
सत्ता गठबन्धनका सहयात्री नेकपा माओवादी केन्द्र र एकीकृत समाजवादी पार्टी एमसीसी जस्ताको तस्तै पारित गर्न नहुने अडानमा छन् । तर, सरकारमाथि भने एमसीसी टेबल गर्न दबाव छ ।
आफू सरकारमा हुँदा संसदबाट पारित गर्न खोज्ने विपक्षी नेकपा एमाले अहिले पर्ख र हेरको नीतिमा छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया