दार्चुला । दार्चुला सदरमुकाम खलंगास्थित महाकाली नदी किनारमा पवित्र महाकाली नदीको स्वच्छता, सरसफाइ र संरक्षणका लागि निस्वार्थ रुपमा क्रियाशिल भइरहने संकल्प गरिएको छ । सनातन धर्मालम्बीहरुको आस्थाको धरोहर पवित्र महाकाली नदीको स्वच्छताका लागि तन, मन, बचन र कर्मले सकारात्मक योगदान पुर्याएरहने प्रण सहित व्याक्तिगत र सामुहिक संकल्प गरिएको संकल्पकर्ता शंकरसिह धामीले जानकारी दिनुभयो ।
महाकाली नदीको स्वच्छता, सरसफाइ र संरक्षण अभियानमा सहभागिता बढाउन सिर्जनात्मक रुपमा सक्रिय भइरहने उहाँको भनाई छ । पवित्र महाकाली नदीको संरक्षण र स्वच्छताका लागि शनिबार जागरण भेलाको आयोजना गरेर संकल्प अभियानको थालनी गरिएको हो । महाकाली नदी दुर्गन्धीत हुदैगएकोले त्यसको स्वच्छताका लागि छलफल गर्न भेलाको आयोजना गरिएको अर्का संकल्पकर्ता रामसिह धामीले बताउनुभयो ।
महाकालीमा सोझै ढल र फोहर फालिएपछि नदी दुर्गन्धित बन्दै गएको छ । नदीमा दुर्गन्ध बढ्दै जादा मानिस लगायत सजिव प्राणीहरुमा यसको प्रतक्ष प्रतिकुल असर पर्ने भएकोले सरसफाइ र संरक्षणको अभियान थालिएको हो । शनिबार आज महाकाली नगरपालिकाको विरेन्द्र वन बसपार्कस्थित महाकाली किनारमा जागरण भेलाको आयोजना गरी संकल्प गरिएको धामीले बताउनुभयो ।
संकल्पपछि संकल्पकर्ता शंकरसिह धामीले सामाजिक सञ्जाल फेसबुकमा लेख्नुभएको छ, संकल्प व्यक्तिगत र सामुहिक दुबै रूपमा गरेका छौं । पवित्र महाकाली स्वच्छता अभियाका सहयात्री सम्पूर्ण दिव्यआत्माहरूलाई नमन । सम्पूर्ण पात्र र क्षेत्रबाट यो अभियानमा साथ, सहयोग, ऐक्यबद्धता र सदभावको अपेक्षा गर्दछौं । पवित्र महाकाली किनारमा जीवन विताउने अवसर हामीले पाएका छौं । पवित्र महाकालीको ऋण चुकाउने सुनौलो अवसर पनि हामीसंग छ । आउनुहोस्, यो परमार्थ कर्ममा सहयात्रा गरौं ।
तस्बिर: पत्रकार रामसिंह धामी
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया