दार्चुला । नेपाली कांग्रेशको तर्फबाट शैल्यशिखर नगरपालिका प्रमुखमा अमरसिंह धामी र उपप्रमुखमा राजमती पालले उम्मेदवारी दिने सहमति भएको छ । २०७४ सालको स्थानीय तह निर्वाचनबाट निर्वाचित मेयर धामीलाई फेरी मेयरको उम्मेदवार बनाउने र उपमेयरमा निर्वाचित पाललाई फेरी उपमेयरकै उम्मेदवार बनाउने सहमति भएको नेपाली कांग्रेश शैल्यशिखर नगरसमितिले जनाएको छ ।
शैल्यशिखर नगरपालिकामा कांग्रेश र एमालेले उम्मेदवारको टुगों लगाइसकेका छन् । एमालेले वडादेखि पालिका प्रमुख सबै उम्मेदवारको सहमतिमै टुगों लगाएर प्रचारप्रसार सुरु भइसकेको जनाएको छ । शैल्यशिखर नगरपालिका वडा नम्बर ६ का स्थानीय समेत रहेका मेयर धामीसंग सोही ठाउँका विजयसिंह धामीले प्रतिस्पर्धा गर्ने भएका छन् । यसअघि स्थानीय निकायको निर्वाचनमा कांग्रेशका अमर धामीलाई पराजित गरेर गाबिस अध्यक्ष भइसकेका एमाले नेता विजय धामी नगरप्रमुख पदमा उम्मेदवार हुने भएसंगै रोचक प्रतिस्पर्धा हुने अनुमान गरिएको छ ।
अन्य दलबाट उम्मेदवार बनेपनि जनमतको आधारमा एउटै वडाका धामीद्धय बिच शैल्यशिखरको नगरप्रमुखका लागि मुख्य प्रतिस्पर्धा हुने स्थानीयले बताएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया